E keni parasysh kur shkoni në shtëpinë e një miku dhe stepeni para faktit për t’i hequr këpucët, pasi tradita vazhdon? Një nga gjërat më të bezdisshme që shtohet me ardhjen e verës është padyshim era e pakëndshme e këpucëve.
Shumë faktorë mund ta shkaktojnë erën e pakëndshme të këpucëve, një ndër to është lagështira apo prania e baktereve në çdo ambient.
Për ta pasur gjithmonë nën kontroll këtë situatë, mjafton të ndjekësh tre hapa të thjeshtë dhe pa shpenzime:
Sodë buke
Ke dëgjuar për mbajtjen e sodës në frigorifer apo jo? Është pothuaj e njëjta gjë edhe për këpucët. Spërkati këpucët me pak sodë buke dhe lëri ashtu gjatë gjithë natës. Para se t’i veshësh në mëngjes, pastroji nga soda.
Mbeturina prej letre
Zakonisht janë materiale që përdoren për të bllokuar hapësirat e dyerve, por pse të mos i përdorësh edhe për këpucët? Një sasi letrash të bëra shuk vendosi në këpucë gjatë natës. Ato do të thithin të gjithë lagështirën dhe do ta largojnë erën e keqe të këpucëve.
Në akull
Futi këpucët në një qese të errët dhe futi në frigorifer. Temperaturat e ulëta do të vrasin të gjitha bakteret, kështu që frigoriferi është mënyra më e mirë për të larguar erën e keqe.
