Gazetarja Aulona Musta ka raportuar një çështje vërtet shqetësuese. Bëhet fjalë për një përrallë që ishte e dubluar në shqip dhe transmetohej në televizion, por me një përmbajtje skandaloze: Një baba që donte të martohej me vajzën e tij. Këtë përrallë po e shihte një nënë me vajzën e saj 4-vjeçare, kur vuri re përmbajtjen e tmerrshme dhe ia dërgoi Aulonës.
“Këtë videon ma nisi një nënë, me shumë të drejtë, e shqetësuar me përmbajtjen e kësaj përralle të cilën po e shikonte me vajzën e saj 4-vjeçare.
Kur e pashë edhe vetë u terrorizova. Si ka mundësi që transmetohen përralla të tilla? Ka njeri përgjegjës që kontrollon përmbajtjen dhe atë që publikohen për fëmijët? Si t’ia shpjegosh një fëmije që shikon i çoroditur filmat vizatimorë ku babai kërkon të martohet me vajzën e tij?! Skandaloze! Skandaloze”, shkruan Aulona teksa publikon videon:
“Aman e tmerrshme na tmerroi kur e pamë për e herë të parë….”, shkruan një nënë.
“Ça monstre mund të jetë ai regjisor? Po këto kafshët që e kanë përkthyer shqip a nuk gjetën ndonjë përrallë më të mirë! Ku po shkojmë kështu”, shkruan një tjetër.
