Ben Affleck dhe JLo i dhanë fund beqarisë për herë të dytë, me një ceremoni që deshën s’deshën, bëri xhiron e rrjetit.
JLo me fustanin e vellon e bardhë, JLo me kostumin e dhëndrit, i thanë “PO” njëri-tjetrit mirëpo jo të gjithë të afërmit ishin pjesëmarrës në gëzimin e tyre.
Vëllai i Ben, Casey Affleck mungoi në dasmë dhe justifikimi që dha për mungesën e tij na habiti të gjithëve.
Pak para nisjes së dasmës, ai paralajmëroi se nuk do të ishte prezent në ceremoninë e çiftit për disa shkaqe familjare. Mirëpo, teksa Ben dhe JLo i thonin “PO” njëri-tjetrit në altar, Casey u pa duke shijuar një kafe dhe disa petulla në “Starbucks”.
Dukshëm ai ka injoruar martesën e çiftit, ndërsa nuk dimë ç’mendojnë vetë dy personazhet kryesorë për këtë.
Jennifer Lopez dhe Ben Affleck u takuan për herë të parë në vitin 2001 në xhirimet e filmit të tyre “Gigli”, ndërsa Lopez ishte ende e martuar me burrin e saj të dytë, Cris Judd.
Pasi ajo dhe Judd u ndanë në vitin 2002, ajo filloi të takohej me Affleck dhe ata u fejuan menjëherë. Megjithatë, ata u ndanë në vitin 2004, duke thënë se ishte shumë e vështirë për të pasur një marrëdhënie në sytë e publikut.
Para se të rindizte romancën e saj me Affleck, Lopez ishte fejuar me Alex Rodriguez. Ata u ndanë në mars 2021.
Sigurisht, Lopez nuk vonoi të kthehej në krahët e dashurisë së saj të vjetër dhe më të fortë në fakt. Ndjenja e tyre i rezistoi kohës dhe çdo sfide, ndaj ata vendosën t’i thonë PO njëri-tjetrit duke u kurorëzuar me martesë.
