Chrissy Teigen dhe John Legend kanë përjetësuar dashurinë e tyre përmes një tatuazhi të njëjtë.
Dyshja më e famshme e televizionit tregoi dje tatuazhet e veçanta që kishte bërë në pjesën e brendshme të parakrahut. Në tatuazhin e modeles dukeshin qartë emrat: “John – Luna – Miles”, ndërsa në atë të këngëtarit lexohej: “Chrissy – Luna – Miles”.
Këta janë emrat e fëmijëve të tyre pasi, Chrissy dhe John janë prindër të vajzës 3-vjeçare Luna Stephens dhe djalit 10-muajsh Miles Stephens.
“Hej mos na flisni nëse nuk keni tatuazhe”, shkruante Teigen me shaka në Instagram të enjten. “Ne jemi një familje cool me tatuazhe tani dhe vetëm duam të flasim me familjet e tjera që kanë tatuazhe (më vjen keq nëse kjo duket e ashpër)”.
Çifti e bëri tatuazhin në studion e artistes së njohur Winter Stone që ka bërë tatuazhe për të famshëm si: Lady Gaga, Demi Lovato, Miley Cyrus, Emma Roberts dhe Joe Jonas me të fejuarën Sophie Turner.
