Disa javë më parë, reperi i njohur Fero njoftoi ndjekësit e tij në Instagram se kishte ndërprerë marrëdhëniet me “On Records” dhe menaxherin e tij, Met Elshanin.
Megjithëse Fero tregoi se ndarja ishte miqësore, në rrjet qarkulluan lajmet se mes tij dhe Metit kishin nisur konfliktet.
Megjithatë ende nuk është mësuar diçka konkrete dhe ndërsa Fero tashmë është një artist i pavarur, ka habitur fansat me vendimin e fundit.
Ai ka anulluar të gjitha koncertet për arsyen që ende nuk dihet, ndërsa paralajmëron se do të kthehet së shpejti me një surprizë.
“Të dashur fansa, lajmërim: I anulloj të gjitha koncertet në muajt e ardhshëm, do të më mungoni shumë, por kur të kthehem në koncert do të jetë diçka legjendare dhe nuk do vij vetëm, do ua sjell një mysafir special.”- shkruan Fero në postim.
Mbetet të presim për të parë se ç’po kurdis tani reperi.
