Disa ditë më parë u bë me dije se Berat Gjimshiti, futbollisti bukurosh i Kombëtares Shqiptare të Futbollit dhe partnerja e tij do bëhen prindër për herë të parë.
Ata publikuan disa foto shumë të bukura nga pushimet e tyre, teksa duken mjaft të lumtur që dashuria e tyre po kurorëzohet me një bebush.
Ky lajm ka risjell edhe një herë në vëmendje historinë e tyre të dashurisë. Për ata që nuk e dinë, partnerja e futbollistit quhet Alisa Menkoviç dhe është një modele me origjinë nga Serbia.
Ajo jeton në Zvicër dhe prej shumë vitesh ndodhet në një lidhje me Beratin, lidhje që ka kaluar në ulje-ngritjet e veta, por në fund ia ka dalë të triumfojë.
Modelja ka treguar më 2015 se është njohur me 27-vjeçarin përmes të dashurit të një shoqe të ngushtë.
Dyshja simpatike ka një histori dashuri 10-vjeçare, duke na dëshmuar fare qartë se ndonjëherë ndasitë politike dhe historike mund të hidhen pas për hir të ndjenjave.
Sikundër na ka treguar vetë futbollisti nëpër intervista, e dashura e tij e “dashuron” fanellën kuqezi.
“Ajo vetë e ka kërkuar fanellën kuq e zi dhe e ka kostumin e Kombëtares dhe i duket bukur. Nuk më pëlqen të flasë shumë për gjëra personale”, është shprehur ai disa kohë më parë në një intervistë.
Berat Gjimshiti ka lindur në Zyrih më 19 shkurt 1993. Karrierën e futbollistike e ka nisur te Zurich-Affoltern dhe më pas kaloi te ekipi i Zurichut. Ai ka luajtur me Kombëtaren U-18, U-19 dhe U-21 të Zvicrës por në fund pranoi të luante për Kombëtaren e origjinës së tij.
Berat Gjimshiti me origjinë nga Ternoci i Bujanocit, ishte prurja më e re e Kombëtares Shqiptare para ndeshjes eleminatore me Danimarkën, duke lënë shije shumë të mira te tifozët kuqezi dhe tek analistët e futbollit.
