Ndonëse vera po shkon drejt përfundimit, duket se na presin ende shumë hite, pasi këngëtarët shqiptarë po përgatisin surpriza të ndryshme, qofshin këto bashkëpunime, qofshin solo.
Deri tani jemi njohur me shumë prej tyre, por ende shumë të tjera do e shohin dritën e publikimit shumë shpejt, dhe si duket në mesin e artistëve që kanë energji të pashterueshme është edhe Ardian Bujupi.
Pak javë më parë, Ardiani solli “Panorama” në bashkëpunim me Xhensila Myrtezajn që bëri namin dhe deri tani numëron 24 milionë klikime.
Vetëm një javë më parë ai solli Reggaeton, një këngë ritimike dhe tipike verore.
Por, nëse menduat se do mbarojë me kaq e keni gabim, pasi Ardiani duket super i karikuar.
Autori i hitit “Andiamo” ka publikuar ditën e sotme një video në Instagram, duke na njohur pak me këngën e re që na erdhi e papritur fare.
Kënga titullohet “Juliet” dhe nuk ka ende detaje lidhur me faktin se kur do publikohet, por me siguri më shpejt nga sa presim.
https://www.instagram.com/p/CEOx7-JKTOv/?igshid=1k8p6qxhwticg
