Një ditë pas paradës së engjëjve të Victoria’s Secret, supermodelja braziliane Alessandra Ambrosio, ka dhënë një lajm të trishtë për fansat e saj.
Ajo ka njoftuar se ajo e djeshmja në Shangai ishte sfilata e saj e fundit me krahët e engjëllit, duke i dhënë fund kështu rrugëtimit prej më shumë se 17 vjetësh në brandin më të njohur të të brendshmeve.
“Mbrëmja e djeshme më ka bërë shumë të ndjeshme sepse duhet t’u thosha mirupafshim motrave të mia, por gjithsesi në realizuam shfaqjen më të madhe ndonjëherë. S’do ta bëja kurrë këtë rrugëtim pa ndihmën dhe mbështetjen e fansave të mi. Jam kaq krenare që kam qenë gjatë në ‘Victoria’s Secret’. Do t’ju dua përgjithmonë”, shkruan 36-vjeçarja në Instagram.
Ajo ka marrë pjesë në shfaqje për 17 vitet e fundit dhe është e gatshme të fokusojë energjinë e saj në përkujdesjen e dy fëmijëve të saj, Anja, 9 vjeç dhe Noe, 5 vjeç.
