Sipas “Dosja.al”, djali i deputetes së Partisë Socialiste, Antoneta Dhima, ka rezultuar pozitiv me virusin vdekjeprurës Covid-19.
Djali, i cili është në moshën 26-vjeçare, është transportuar për në Spitalin Infektiv për të marrë mjekimin e nevojshëm.
Siç është bërë e ditur, e gjithë familja e deputetes është futur në karantinë pas rezultatit pozitiv të testit të djalit.
Ditën e sotme, numri i personave të prekur nga koronavirusi në Shqipëri ka arritur në 104.
Shpërndarja gjeografike e rasteve pozitive është si më poshtë:
- Tiranë 68 qytetarë
- Durrës 7 qytetarë
- Lushnje 2 qytetarë
- Elbasan 2 qytetarë
- Fier 12 qytetarë
- Rrogozhinë 2 qytetarë
- Kavajë 3 qytetarë
- Korcë 3 qytetarë
- Vlorë 4 qytetarë
- Shkodër 1 qytetar
Gjithashtu, virusi i mori jetën 4 personave në vendin tonë.
