Pavarësisht shifrave në rritje të personave të prekur me Covid-19 në vendin tonë, Ministria e Shëndetësisë ka bërë të ditur se faza e dytë e rihapjes do të vazhdojë normalisht.
Siç njofton edhe kryeministri Rama, së pari këtë fundjavë do të hiqen kufizimet e orareve për qytetarët dhe bizneset.
Gjithashtu do të hiqen edhe kufizimet e automjeteve dhe këmbësorëve brenda zonave të kuqe.
Megjithatë, edhe këtë fundjavë nuk do të lejohet lëvizja e rezidentëve nga zonat e kuqe në zonat e gjelbërta deri më 1 qershor.
https://www.instagram.com/p/CAzajD8J4ci/
Nga data 1 qershor do të lejohet lëvizja e qytetarëve e automjeteve në të gjithë territorin e vendit.
Gjithashtu do të hapen çerdhet dhe kopshtet, duke zbatuar protokollet e sigurisë së miratuar.
Do të hapen kufijtë tokësorë, duke hequr karantinimin dy javor, si një masë e që po ndiqet edhe në vendet europiane dhe vendet e rajonit.
Për më tepër, plazhet do të jenë të hapura, nën masa të sigurisë, sipas një plani i cili përfshin gjithë vijën bregdetare, si një zonë e sigurt.
Do të lejohen nga data 1 Qershor kampionatet sportive, pa praninë e publikut. Do të hapen parqet, qendrat e formimit arsimor, kulturor, qendrat e internetit si dhe palestrat sipas protokolleve të sigurisë.
