Ditën e sotme ylli i serialit “Keeping Up with the Kardashians” Khloe, feston ditëlindjen e saj.
Bukuroshja mbush 35 vjeç dhe në këtë ditë speciale nuk mund të mungonte një festë e organizuar në detaje.
Nëpërmjet postimeve në rrjetet sociale motrat Kardashian e kanë sjellë festën shumë pranë ndjekësve dhe mund të themi se atmosfera ishte tipike e familjes së tyre.
Të pranishëm në ditëlindje kanë qenë personazhe të njohur të ekranit dhe jo vetëm dhe festimet kanë zgjatur deri në orët e para të mëngjesit.
Trëndafilat dhe objektet me imazhin e Khloes ishin të vendosura kudo dhe qershia mbi tortë e festës ishte vogëlushja e saj, True. Ajo dhe nënë e saj ishin veshur me fustane të bardhë dhe dukeshin mjaft bukur.
Festa ishte në nivelet e saj më të larta dhe s’kishte si të ishte ndryshe, pasi ajo i ishte besuar Kylie Jenner. Kylie ishte kujdesur për çdo detaj dhe një nga elementet që binte në sy ishte demi metalik, i cili ka krijuar shumë atmosferë dhe duket se të gjithë janë argëtuar me të.
