Mbretëresha Elizabeth II i është drejtuar sot popullit me një fjalim historik për luftën kundër pandemisë Covid-19.
Ajo është shprehur se Mbretëria e Bashkuar bashkohet me të gjitha vendet e botës për shkak të rrezikut global.
Mbretëresha i bën thirrje popullit që të bëjë durim, pasi ditë më të mira do të vijnë.
“Ditë më të mira do vijnë, do të jemi bashkë me familjet tona, do të takohemi sërish”- u shpreh ajo ndër të tjera.
Mbretëresha Elizabeth ka falenderuar punonjësit e Shërbimit Shëndetësor Britanik si dhe vlerësoi masat e distancimit social.
Gjithashtu, ajo u shpreh se ky fjalim i saji i rikujton transmetimin e parë, të bërë gjatë Luftës së Dytë Botërore, me motrën e saj, Princeshën Margaret.
Gjatë fjalimit të saj, Mbretëresha shtoi gjithashtu se shpreson që në të ardhmen të gjithë të jenë në gjendje “të krenohen” me mënyrën si iu përgjigjën kësaj sfide kaq të vështirë.
