Dita e sotme është e një rëndësie të veçantë për familjen e Sali Berishës. Kjo pasi mbesa e tij, vajza e Shkëlzen Berishës, Medina është diplomuar në maturë.
Ka qenë Zeni ai i cili ka ndarë si fillim disa foto me vajzën e tij të vetme (e cila mban në dorë foton e saj kur ka qenë e vogël në një tabelë) në Instagram ku krahas shkruan: Nga çerdhja në maturë sa hap e mbyll sytë, suksese Medina.
Një urim nuk ka munguar as nga zoti Berisha i cili shumë krenar për mbesën e tij shkruan: Miq, sot kemi një gëzim të veçantë. Medina, mbesa jonë, mori diplomën e maturës! Në foto, sot me kapelen e maturës mban në dorë foton e saj bebe.
Ndërkohë Armina e ka shprehur krenarinë dhe dashurinë e saj me anë të komenteve poshtë postimit të Shkëlzenit ku shkruan “Ju dua” dhe poshtë atij të ish-kryeministrit ku ka komentuar vetëm disa zemra.
