Kryetari i Bashkisë së Tiranës Erion Veliaj nëpërmjet një postimi në Facebook na ka njohur me festimet që do të organizohen me rastin e Ditës së Shenjtërimit të Nënë Terezës.
“‘Nuk ka gjëra të mëdha, vetëm gjëra të vogla me dashuri të madhe! Ajo që ne ndjejmë se bëjmë është vetëm një pikë uji në oqean. Por oqeani do të ishte më i pakët për shkak të asaj pike që mungon’- Nënë Tereza. Tirana do të festojë Ditën e Shën Terezës me maratonën e shërbimeve të komunitetit”, shkruan Veliaj në postimin e tij në Facebook.
Kujtojmë që Bashkia e Tiranës prej gati tre vitesh ka hapur disa mensa sociale në të gjithë kryeqytetin për t’iu gjendur pranë qytetarëve që kanë nevojë për mbështetje.
Qytetarëve në nevojë Bashkia e Tiranës iu ka ofruar jo vetëm një vakt të ngrohtë, por edhe një përkujdesje të specializuar me mjekë, psikologë etj.
