Këtë javë, Stresi doli më në fund nga qelia ku qëndronte prej gati nëntë muajsh. Kujtojmë se në tetor, reperi u kap nga policia me armë pa leje.
Gjatë gjithë kësaj kohe, Kejsi nuk mundi ta vizitonte Stresin për shkak se reperi nuk kishte pranuar që partnerja ta takonte të mbyllur në qeli. Pavarësisht refuzimit të tij, muajin e kaluar Kejsi fluturoi nga Kanadaja ku jeton në Shqipëri për të parë Stresin në burgun e Fushë Krujës.
Megjithatë, tashmë që Stresi është më në fund i lirë, vendosi t’ia dedikojë disa kohë krejtësisht bashkëshortes së tij.
Ata janë duke shijuar lirinë bashkë, në plazh, dhe lumturinë e kanë ndarë edhe në rrjetet sociale, ku publikuan foto pranë detit.
“Bisha ime”, shkruajti Kejsi në njërën prej fotove.
Stresi dhe Kejsi janë të martuar me letra por ende nuk kanë bërë dasmë. Në një intervistë për “Who” vitin e kaluar, ata thanë se kishin dëshirë të bënin një dasmë të madhe, plane të cilat siç duket u prenë në mes për shkak të arrestimit të Stresit.
