Plasët vape? Nuk keni parë asgjë akoma! Parashikimi i motit ka një lajm aspak të mirë për fundin e muajit!

Duket sikur më vapë dhe më mbytëse se kaq, situata nuk ka ku shkon.

Por, sinoptikanët vendosën të na japin sot dy lajme: një të mirë dhe një të keq. Ose thënë ndryshe: pas shiut lind dielli por sinqerisht, në këtë pikë preferojmë shiun.

Lajmi i mirë është se nga dita e nesërme temperaturat duket se do të ulen si pasojë e vranësirave dhe shirave të shkurtër, veçanërisht në zonat malore.

Lajmi i keq sipas sinoptikanes Adiola Bani për “Klan” është se pas këtij rrebeshi vere temeperaturat do të nisin të ngrihen prapë gradualisht, duke mbërritur deri në 39 gradë në fund të muajit!

Dhe ky është pikërisht momenti për të braktisur gjithçka e për të shkuar në ndonjë ishull të pabanuar ku të rrethohesh përgjithmonë nga uji.