Sot në mbarë botën festohet Dita Botërore e Turizmit . Fokusi i këtij viti është te “ investimet e gjelbra ”, që synojnë arritjen e objektivave të zhvillimit të qëndrueshëm të vendosur nga Kombet e Bashkuara deri në vitin 2030.
Sot është e destinuar të jetë festa më e madhe e mbajtur ndonjëherë deri më tani. Ngjarja zyrtare mbahet në Riad të Arabisë Saudite, por nismat janë planifikuar në mbarë botën.
‘UNËTO’, Organizata Botërore e Turizmit e Kombeve të Bashkuara, do të mirëpresë përfaqësues nga më shumë se 100 shtete të saj anëtare, duke përfshirë më shumë se 50 ministra të turizmit. Atyre do t’u bashkohen përfaqësues të nivelit të lartë nga sektori privat i turizmit, si nga rajoni i Lindjes së Mesme, ashtu edhe globalisht.
Sipas edicionit të ri të Barometrit Botëror të Turizmit UNËTO, në fund të korrikut vizitat ndërkombëtare të turistëve kanë arritur në 84% të niveleve para pandemisë .
Midis janarit dhe korrikut 2023, 700 milionë turistë udhëtuan ndërkombëtarisht , 43% më shumë se në të njëjtët muaj të vitit 2022. Korriku ishte muaji më i ngarkuar me 145 milionë udhëtarë të regjistruar ndërkombëtarë.
