Është vetëm 21 vjeç, por reperja Tayna u kthye në fenomenin e kësaj vere!
Reperja, emri i vërtetë i së cilës është Doruntina Shala do të jetë e ftuara e rradhës në emisionin “Xing me Ermalin”. Tayna së bashku me Ermalin, po darkojnë mbrëmjen e sotme për të diskutuar mbi detajet e fundit të emisionit dhe nuk kanë nguruar të bëjnë edhe një sfidë në rep.
“Hey Tayna! Përse bo sikur je e vetmja repere? Ti tani ke fillu, nuk është se ke naj far karriere” – shprehet Ermal Mamaqi.
Ndërkohë që reperja shqiptare i kthehet: “Sa herë unë ty, me Amin të shihja, mu kujtonte filmi ‘E bukura dhe bisha’”.
Video është përhapur me shpejtësi në rrjetet sociale dhe duket qartë se Tayna ka rrëmbyer zemrat e të rinjve.
Tayna njihet për diss-et me kolegët! Më herët ka pasur një konflikt me Fifin, e cila i tha se nuk mund ta quante veten mbret e as mbretëreshë e muzikës hip-hop sepse të tjerë janë para saj. Gjithashtu është përfolur se edhe me reperen Rina kanë shkëmbyer diss-e.
