Ndonjëherë nuk na shkojnë në mendje, por këto gjashtë veprime në dukje të vogla, mund të kthehen në diçka shumë domethënëse për partneren dhe marrëdhënien tuaj.
Pyete se si e kaloi ditën
Duke bërë një pyetje kaq të thjeshtë: “Si kalove sot?” do të thotë që po tregon interes për të. Është shumë e këndshme që ajo të kuptojë se po kujdesesh për të dhe se të intereson të dish çdo gjë që bën ajo gjatë një dite.
Përqafime dhe puthje të gjata
Duke e mbajtur për disa minuta të përqafuar dhe duke e puthur për disa sekonda, i kujton se sa shumë e dashuron. Këto shenja janë përkthim i “Mos harro që të dua shumë.”
Dëgjoje
Nuk po flasim për atë pjesën kur djemtë kontrollojnë email-et, absolutisht JO. Në vend që të bësh këtë, dëgjo çfarë ka për të thënë ajo… gjithmonë ka nevojë për vëmendje, edhe në rastet kur diçka nuk shkon mirë në marrëdhënien tuaj.
Telefonoji më shpesh
Që do të thotë se mund ta bësh edhe kot, pa pasur një pyetje konkrete gjatë ditës. Derisa mesazhet po zënë çdo ditë e më shumë kohë gjatë ditës, telefonoji për disa minuta për t’i treguar se e dashuron.
Tregoji sa herë që duket bukur
Duke i bërë komplimente, të gjitha vajzat ndryshojnë qëndrim e bëhen më të ëmbla. Sa herë është veshur bukur e ndihet e tillë, mos harro t’ia vësh në dukje. Do ta bësh të ndihet më mirë.
Mbaj mend ndonjë detaj nga bisedat e mëparshme
Kur tregon në një pikë të caktuar të bisedës se mban mend një detaj të diçkaje që ka kaluar, i jep rëndësi partneres. Ajo kupton se e dëgjon me vëmendje çdo gjë që të thotë. Për të vëmendja është shumë e rëndësishme.
