Gazetarja e njohur, Eni Vasili, ka ndarë ditën e sotme disa foto në “Instagram” me vajzat e saj binjake.
Eni është bërë nënë për herë të parë më 6 korrik dhe kjo datë për të është gjithmonë e veçantë.
Gazetarja ka zgjedhur të postojë disa pamje me të bijat pranë tortës së tyre, por ka vendosur që fytyrat e vajzave t’i mbulojë me ‘emoji’ në formë zemre. Ajo shfaqet shumë e lumtur dhe entuziaste që ëngjëjt e vegjël po rriten dita-ditës.
Rikujtojmë se Eni Vasili arriti prej muajsh ta fsheh në mënyrë perfekte shtatzëninë ndonëse shfaqej çdo javë në ekran. Më vonë dolën foto të gazetares me barkun e rrumbullakosur.
Madje edhe në nisje të emsionit “Open”, kryeministri Edi Rama uroi moderatoren për lajmin e bukur dhe ishte ai që zbuloi se ajo po pret binjakë, madje tregoi edhe gjininë.
“Më vjen mirë që të shoh nga afër se doja të të uroja për pritjen. Të pata shumë zili kur dëgjova që ke dy dhe akoma më shumë që i ke vajza. Të uroj vetëm të mira. Eni ka dy vajza binjake që i pret. Kjo nuk është gënjeshtër e 1 prillit”, u shpreh Rama.
