Me siguri nuk e kishit vënë re deri tani, që në hartën kur jepet moti në “TV Klan” ka një gabim. Ishte aktori i humorit, Florian Binaj, i cili dalloi lapsusin e grafikës duke iu drejtuar me mirësjellje punonjësve të televizionit që ta ndryshonin.
Ai publikoi në “InstaStory” dy imazhe të hartës që shfaqet në ekranin e televizionit gjatë kohës që jepet moti dhe gabimi qëndron në faktin se Kosova nuk është e ndarë në kufij nga Serbia.
Ndërsa kuptohet që harta është marrë e gatshme nga “Google”, grafika nuk ka ndryshuar këtë gabim.
“Një këshillë miqësore miqve kolegë tek ‘TV Klan’. Rregulloni hartën e Kosovës si shtet të pavarur dhe jo si ‘kufij të diskutueshëm’. Vetëm Serbia e shtetet që s’e kanë njohur ende dhe Google me Yahoo, i quajnë ende si të diskutueshëm kufijtë e Kosovës”, shkruan Binaj.
Me siguri do ta dallojmë këtë detaj sot kur të shohim motin në “TV Klan”.
