Mbrëmja e djeshme ishte një emocion i paparë për ish-këngëtaren Julka Gramo dhe ministrin e Brendshëm, Saimir Tahiri. Pak kush e di që dy këta personazhe të famshme sot të ekranit shqiptar, kanë qenë dikur shokë shkolle.
Klasa e katërt 6 e viteve 1994-1998 është mbledhur sërish pas 19 vjetësh, duke kujtuar përmes një fotoje, kohët e vjetra. Ka qenë Julka ajo që e ka publikuar këtë foto në Instagram, duke falënderuar organizatorët që të bëjnë të mundur këtë ribashkim. E veçanta e festës ishte edhe torta në formën e regjistrit të shkollës me emrat e vendosur në të.
