Sinan Hoxha di të jetë jo vetëm një baba dhe bashkëshort i mirë, por edhe i romantiku që do të dëshironte çdo femër!
Bashkëshortja e këngëtarit festoi dje ditëlindjen e saj të 22-të. Duket se Andrra e ka festuar në mënyrën më të mirë të mundshme ditën e saj të lindjes dhe për këtë ishte kujdesur deri në detaj gjysma e saj më e mirë.
Edhe pse ai në llogarinë e tij në “Instagram” e uroi Andrrën me një urim të thjeshtë, duket se surprizën e kishte lënë për më vonë. Ditëlindja e bukur e Andrrës do të fillonte me të gjitha trajtimet dhe përkëdheljet që të ofrohen në një prej qendrave SPA më të njohur në Tiranë, ku sigurisht e shoqëronte bashkëshorti Sinani.
Më tej darka do të mbyllej ashtu siç i ka hije kësaj dite, ku Sinani kishte prenotuar një suitë në një prej hoteleve më luksozë të Tiranës.
Petale trëndafili nëpër dhomë e në krevat, një shishe shampanjë me dy gota, një pamje e mrekullueshme e qytetit të Tiranës, si dhe nën shoqërinë e njeriut të zemrës dhe Andrra me siguri ka kaluar një natë të magjishme.
