Të shkuara janë kohët kur Snapfood ishte një aplikacion si gjithë të tjerët ku mund thjesht të porosisje ushqimin online dhe kaq. Nga dita në ditë, në aplikacion janë shtuar elementë të rinj që e kanë shndërruar në një platformë jo vetëm utilitare, por edhe në një mjet komunikimi e argëtimi për të gjithë komunitetin e Snapfoodies dhe risitë e fundit e kanë çuar atë në një tjetër nivel.
Ashtu sikurse në rrjetet më të famshme sociale në botë si Instagram, Facebook, WhatsApp etj., tashmë edhe në Snapfood mund të postosh video në SnapStories për të ndarë momentet më interesante të ditës me miqtë e tu. Mund të postosh një video të ruajtur në galerinë e telefonit ose të xhirosh një në moment… zgjedhja është e jotja. Mos harro të përcaktosh privatësinë: nëse dëshiron që videon tënde ta shohin vetëm miqtë e tu, bëji SnapStories private. Nëse do të zgjerosh rrethin tënd të miqve në Snapfood, atëherë bëji postimet e tua publike, pasi mund të kesh surpriza interesante.
Por kjo nuk është e gjitha dhe mjafton të bëni update për të zbuluar gjithçka që mund të bëni tani me Snapfood.
Me D&T (Depozito & Transfero) mund të depozitoni para nga karta e kreditit ose e debitit në kuletën e Snapfood si dhe mund t’i transferoni kredit miqve tuaj, për të ndarë pagesën e një porosie apo për t’u bërë atyre një “qokë”.
Dhe meqë jemi tek qokat, ende nuk ke dërguar një porosi dhuratë? Porosit në aplikacion një ushqim të shijshëm dhe në vend që t’ja dërgosh vetes, vendos të dhënat e dikujt tjetër dhe korrieri ia dërgon atij/asaj si dhuratë nga ana jote: mënyra perfekte për të bërë dikë për vete!
Po nëse restoranti yt i preferuar është mbyllur? Tashmë ke mundësinë të skedulosh një porosi paraprakisht. Restorantit i shkon njoftimi nëpërmjet Snapfood dhe kur të jetë hapur, do të përgatisë porosinë në orarin që ti ke përcaktuar.
Dhe e fundit por jo më pak e rëndësishmja, në aplikacion është rikthyer një ndër opsionet në fantastikë. Me Fto dhe Fito, ti mund t’u sugjerosh miqve të tu të bëhen pjesë e Snapfood dhe në momentin që ata regjistrohen me kodin tënd, të dy ju do të përfitoni nga 200 lekë në kuletat tuaja për t’i shpenzuar kurdo që dëshironi.
