Detaje të reja kanë dalë nga vdekja e mjekut Hysni Shkjau. Sipas Dosja.al mjeku u infektua nga infermierja e qendrës shëndetësore në Pukë. Kjo e fundit u infektua në Tiranë, teksa mori pjesë në një konsultë.
Ditën e sotme, ndërroi jetë mjeku Hysni Shkjau, 69 vjeç, nga qyteti i Pukës. Ai po merrte trajtim në spitalin Infektiv, ndërkohë që vuante nga sëmundje bashkëshoqëruese. Shkjau kishte 40 vite eksperiencë në mjekësi. Së fundmi, shërbente si mjek familje në qendrën shëndetësore të Qafë-Malit në Bashkinë e Fushë-Arrëzit në Pukë.
Sakaq ditën e sotme janë humbur jetën edhe 2 të moshuar të tjerë dhe janë konfirmuar 71 raste të reja. Harta është zgjeruar në 16 qytete të tjera. Në spitalin Infektiv po marrin mjekim 87 pacientë, 9 prej të cilëve janë në gjendje të rëndë. Numri i të shëruarve ka shkuar në 1702.
/GazetaReforma.com
