Dude Bajle është deputete në Kuvendin e Kosovës, e cila vlerësohet jo vetëm për përfaqësimin e komunitetit boshnjak por edhe për imazhin e saj, gjithmonë të kuruar. E ftuar në studion e “Rudina” në televizionin “Klan”, Bajle rrëfeu rrugëtimin e saj në politikë dhe tregoi se ka mësuar shqip në momentin që është bërë pjesë e Kuvendit.
“Unë kam lindur në Prizren por 10 ditë më vonë jemi larguar për në Vojvodinë. Edhe sot atje i kam prindërit. Unë jam martuar dhe vazhdoj të jetoj në Prizren. Fillimi në politikë për mua ka qenë shumë i vështirë sepse nuk dija asnjë fjalë kur kam hyrë në parlament. Më pas, vendosa të mësoj gjuhën shqipe dhe tashmë nuk jam shumë e kënaqur me gjuhën por arrij të kuptoj. Unë flas shqip, bëj gabime, por provoj. Kam patur presion dhe dëshirë për të mësuar shqip dhe kjo ma ka bërë më të lehtë”, – u shpreh deputetja Dude Bajle.
E pyetur nga moderatorja Rudina Magjistari nëse bashkëshorti i saj bëhet xheloz, ajo u përgjigj: “Ai bëhet xheloz, por tashmë është mësuar. Por edhe ai është shumë i mirë”.
