Një juri e Nju Jorkut e ka shpallur fajtor Donald Trumpin për të 34 akuzat që ai ngarkohej, për falsifikim të të dhënave të biznesit, për të fshehur pagesën e bërë ndaj aktores së filmave pornografikë Stormy Daniels, në këmbim të heshtjes së saj, gjatë zgjedhjeve të 2016. Kjo është hera e parë që një ish-president i SHBA-së dënohet për një krim.
Ai do të dënohet më 11 korrik, katër ditë përpara Konventës Kombëtare Republikane.
Ai do të përballet me dënime që variojnë nga një gjobë deri në katër vjet burg për secilën akuzë, megjithëse pritet që ai të dënohet njëkohësisht për të gjitha veprat, dhe jo në mënyrë të njëpasnjëshme.
