Pak ditë më parë Fjolla Morina pësoi një aksident të rëndë, prej të cilit shpëtoi me disa plagë jo të lehta. Këngëtarja është rikthyer tashmë në shtëpi ku po rikuperohet.
Përmes një shkrimi në rrjetet sociale ajo ka treguar se është lënduar shumë. Përmes një dedikimi për miqtë dhe fansat e saj ajo falënderon Zotin, për mundësinë e dytë që i dha për të jetuar, pasi aksidenti mund të kish qenë shumë tragjik për të.
“Ndjej një detyrim moral të shkruaj dy fjalë për ju që i keni ndenjur pranë familjes sime këto dy ditë të vështira për mua. Mund të them pa frikë që Zoti më ka mbrojtur duke më dhënë një jetë të dytë. Sapo dola nga spitali përqafova fort vajzat dhe nënën time. Arsyeja pse unë jetoj janë ato. Kam dëmtime në trup po fal Zotit marr frymë dhe do të bëhem më mirë. Unë ja kam dalë gjithmonë me Zotin dhe familjen pranë”, shkruan në një postim Fjolla.
Ndërkaq, mbrëmë në “Snapchat” këngëtarja publikoi një foto ku shihet dora e majtë e thyer dhe fraktura të tjera trupore.
