Ajo zyrarizoi ndarjen e saj vetëm dy muaj më parë, pas një marrëdhënie 6-vjeçare. Demi Lovato i dha fund lidhjes me Wilmer Valderrama, me arsyen se ndiheshin më mirë si shokë të ngushtë. Por duket se 24-vjeçarja ka nisur një romancë të re, të cilën nuk arriti ta mbante dot sekret.
Ajo po frekuentohet me boksierin e UFC, Luke Rockhold. Megjithatë duket se Demi ka bënë një punë të mirë nën hije, pasi TMZ bën me dije se romanca mes tyre ka lulëzuar prej disa muajsh tashmë.
Burime pranë sajtit amerikan bëjnë me dije se këngëtarja amerikane dhe ish-kampioni 31-vjeçar nisën flirtimet me njëri-tjetrin, ndërkohë që ajo stërvitej tek palestra Ubreakable në Los Angeles.
Demi dhe Luke duket se patën menjëherë një shkëndijë mes tyre, madje dhe i kanë dërguar njëri-tjetrit mesazhe sekrete në rrjetet sociale.
Mesazhet sekrete? Demi dhe Luke postuan foto të ngjashme duke treguar gishtin e vogël të vizatuar me fytyra të buzëqeshura, secili në profilet e tyre në “Instagram”.
Lovato dhe ish-partneri i saj Valderrama u takuan fillimisht në vitin 2010 në setin fotografik “Voto Latino” dhe prej atëherë ishin të pandarë.
*Shfleto galerinë
Burimi: Daily Mail
