Meta, Haradinaj dhe Veliaj “shkëmbejnë” bashkëshortet për një foto

Ka qenë një mbrëmje ndryshe nga të tjerat ajo e djeshmja për të rinjtë e LRI-së, të cilët kishin pranë tyre ish-presidentin e vendit, Rexhep Mejdanin, kreun e bashkisë së Tiranës, Erion Veliaj së bashku me bashkëshorten por edhe kryetarin e partisë Aleanca për Ardhmërinë e Kosovës, Ramush Haradinaj i shoqëruar nga bashkëshortja e tij.

Mikpritësi ka qenë sigurisht kreu i LSI-së njëherësh edhe i Kuvendit, Ilir Meta, i cili së bashku me bashkëshorten Monika Kryemadhi, kanë ofruar për të rinjtë një mbrëmje ndryshe me gatime tradicionale shqiptare si dhe me këngë e valle.

I veçantë ka qenë momenti kur kreu i Kuvendit, Ilir Meta, kryebashkiaku Erion Veliaj dhe kreu i partisë AAK në Kosovë, Ramush Haradinaj, kanë “shkëmbyer” bashkëshortet për të bërë një foto, ku duken mjaft në humor.

Gazeta “Express” sjell disa nga momentet më të bukura të mbrëmjes së djeshme në plazhin e Jalës ku dhe u mbyll kampingu veror i LRI-së.

*Shfleto galerinë