Bota është në zi, pasi të paktën pesë persona mbetën të vrarë dhe dhjetëra të tjerë u plagosën pas një sulmi terrorist në Westminster, të mërkurën. Të enjten në mbrëmje, Adele, e cila ka lindur në Londër, ndaloi koncertin në Auckland, Zelandën e Re, për të shprehur pikëllimin e saj mbi ngjarjen dramatike. Këngëtarja ndaloi një moment në nder të personave që humbën jetën dhe familjeve të tyre.
“Pati një sulm terrorist në qytetin tim të lindjes, Londër. Jam në anën tjetër të botës dhe dua që ata të shohin dritat tona dhe të na dëgjojnë”, iu drejtua këngëtarja turmës prej mbi 45.000 njerëz.
“Ndihem shumë larg dhe shumë çuditshëm që nuk jam në shtëpi. Gjithçka që do të doja sot është të isha në shtëpi me miqtë dhe familjen time. Le t’ia kushtojmë këtë atyre sonte dhe vendlindjes sime, që është shpirti im binjak”, u shpreh Adele.
Ajo performoi këngën “Make You Feel My Love” dhe stadiumi “Mount Smart” u ndriçua nga dritat.
Burimi: Buzzfeed
