Kryeministri Edi Rama ka vendosur të surprizojë moderatoren e njohur Albana Osmani, duke i dhuruar asaj një ndër krijimet e tij personale.
Bëhet fjalë për një nga pikturat e veçanta shumëngjyrëshe, që është pjesë e punimeve të ekspozuara në mjaft shtete të ndryshme të botës.
E lumtur për këtë dhuratë, Albana ka publikuar një video në “Instagram”, ku tregon dhuratën e veçantë: “Me dashuri Albanës, mars 2017, Tiranë”, shkruhet në dedikimin.
Moderatorja ishte e pranishme në zyrën e kryeministrit, të cilit i dhuroi një bluzë me logon e lulediellit, që është pjesë e fushatës për të mbledhur të ardhura për fëmijët e sëmurë në QSUT.
