Disa ditë përpara dasmës së shumëpritur, Elita Rudi zbuloi se do të ndiqte traditat e vendit të saj. Ndaj bukuroshja e ekranit shfaqi 4 ditë përpara dasmës, ashtu siç është edhe zakoni, pajën e nuses.
Mbrëmjen e së premtes, Gjiko dhe Elita Rudi u betuan për dashuri të përjetshme dhe u kurorëzuan burrë dhe grua nga kryetari i bashkisë së Prishtinës, Shpend Ahmeti.
Por dasma nuk ka përfunduar, pasi festa vijon në shtëpinë e dhëndrit! Të afërmit e Gjikos, kanë zbuluar përmes një video në “Instagram”, se nusja e re është veshur me kostumin tradicional popullor të krahinës së tyre.
Elita shfaqet në videon 15-sekondëshe, duke kërcyer muzikë popullore me të atin e Gjikos, në pragun e derës. Ndërsa familjarët e tjerë, i duartrokasin!
Duket se e gjithë fundjava, do të jetë festë për çiftin e sapomartuar!
