Dasma e Afërdita Dreshajt nuk ishte një dasmë tradicionale shqiptare, por e përshtatur me stilin amerikan, vendin ku jeton prej kohësh. Ajo i dha fund beqarisë duke u martuar me hokeististin çek, Jakub Kindl.
Fillimisht kishte organizuar ceremoninë e celebritimit pranë detit, shumë e thjeshtë dhe klas. Karriget e tejdukshme qëndronin përpara altarit të zbukuruar me lule të bardha dhe këtë e zbuluam nga postimet e Xhesika Berberit në Instagram, e cila ishte një nga shoqërueset e nuses.
Më pas dasma vijoi në një ambient të mbyllur, i zbukuruar me lule, të një stili klasik, por pa shumë luks.
Nga videot kuptojmë se dhe të ftuarit nuk ishin të shumtë në numër, krahasuar me dasmat që organizohen në Shqipëri.
Afërdita Dreshajt kishte zgjedhur këngë amerikane për të festuar me bashkëshortin e saj, si për t’iu përshtatur të gjithë të ftuarve. As torta e saj nuk ishte e zakonshme, pasi ndryshe nga ato të bardhat, ajo kishte zgjedhur atë me ngjyrë kafe të zbukuaruar me lule të bardha.
Por nuk mund të ketë dasmë të një nuse shqiptare pa kërcyer vallen e Tropojës.
Burimi: Instagram
