Afërdita Dreshaj i ka thënë “lamtumirë” Amerikës e së bashku me bashkëshortin dhe të birin ajo do të qëndrojë në Europë, konkretisht në republikën çeke në muajt në vijim.
Sipas “Prive”, zhvendosja e ka një arsye dhe lidhet me pjesën profesionale. Jakub Kindl, bashkëshorti i saj hokeist do të transferohet në një ekip europian, ndaj dhe familja do të zhvendoset. Mesa duket, për partnerin e modeles ka ardhur koha për kapituj të rinj në sport.
Kujtojmë se në muajin mars Afërdita Dreshaj u bë nënë për herë të parë. Ajo solli në jetë djalin e saj, Sky Blue, i cili tashmë është rritur dhe është bërë një bebush mjaft i ëmbël e i shëndetshëm. Vogëlushi udhëtoi së fundmi drejt Europës.
Modelja ka ndarë në Instagram foto të ndryshme nga ky udhëtim dhe sot i ka dedikuar një pjesë të kohës ndjekësve të saj. Afërdita i ka lënë ndjekësit të lirë të pyesin Sky dhe ai ju përgjigjet (sigurisht përgjigjet i jep vetë mami Afërdita).
Gjatë kësaj “interviste”, Sky ka zbuluar se emrin e tij e ka zgjedhur mami.
“Mami donte vetëm Sky, kurse babi kishte qejf emrin Cruz. Po shyqyr vendosën të më quajnë Sky, sepse unë jam qielli i tyre”
