Kur është fjala për dashuri, të gjithëve na rreh zemra, nuk mund ta mohojmë dot. Siç e dimë të gjithë pak a shumë, dashuria ka shumë pasoja dhe efekt në mënyrën tonë të jetës, të menduarit dhe të vepruarit. Ndonjëherë mund të ndikojë edhe në shëndetin tonë.
Një sondazh sociologjik në eHarmony (një portal i themeluar nga psikologu Neil Clark, që ofron këshilla për jetën në çift) tregoi se dashuria kalon pesë faza të ndryshme që ndodhin në momente të ndryshme të jetës.
Në studim janë marrë disa njerëz të kombësive dhe moshave të ndryshme, të cilët u janë nënshtruar testeve psikologjike, duke iu përgjigjur disa pyetjeve personale në lidhje me marrëdhëniet e tyre.
1.“Fluturat” në stomak
Ne i kemi provuar të gjithë, të paktën një herë. Pasioni fillestar, koha kur çdo gjë është vetëm e bukur dhe bëhet aq shumë dashuri.
Sipas analizës, 33% e 33 milion njerëzve në Britani të Madhe kanë humbur peshë gjatë kësaj faze të parë. 39% janë prekur nga një rënie në produktivitet në punë. Si tek meshkujt ashtu edhe tek femrat ka pasur një rritje në nivelet e testosteronit dhe estrogjenit.
2.Faza e ndërtimit
Pasi “fluturat” kanë fluturuar larg, çifti fillon të ndërtojë me të vërtetë themelet e tij. Gjithashtu kjo fazë njihet edhe si gjendje e “lumturisë me ankth”, sepse të dashuruarit janë në një gjendje të vazhdueshme të shqetësuar (pasi mendimet e tyre janë gjithmonë të drejtuar tek personi tjetër), por në të njëjtën kohë të qetë. Në fakt, sipas Clarks, është e zakonshme që në këtë fazë ju të përballeni me probleme me gjumin, vetëm për shkakun se këta dy njerëz nuk bëjnë asgjë tjetër, veçse zhvendosin fokusin tek njeri-tjetri: “Si të ishe i/e dehur me dashuri”.
3.Asimilimi
Një moment kyç. Kjo ndodh kur çifti fillon të pyesë veten: “Ajo /ai a është personi i duhur për mua? A po shkojmë në të njëjtin drejtim? A duam të njëjtat gjëra?”. Këtu është vendi ku marrëdhënia nis e bëhet më serioze.
Në këtë kohë zhvillohen debatet, përballjet e para dhe krahasimet e para. Në fakt, faza e 3-të është gjithashtu koha kur nëse përgjigjet ndaj pyetjeve janë negative, i vihet pika marrëdhënies.
4.Ndershmëria e zemrës
Hapi mes fazës 3 dhe 4 është shumë i shkurtër. Tani dy të dashuruarit fillojnë të tregojnë atë që ata janë për njëri-tjetrin. Kjo është edhe koha me nivelin më të lartë të stresit për shkak se ju bëheni të vetëdijshëm për të gjitha anët e karakterit të personit tjetër, që shpesh nuk janë plotësisht në përputhje me personalitetin e tyre.
Sipas studimeve eHarmony, kjo është edhe faza ku çifti poston më shpesh në mediat sociale për të siguruar të tjerët (dhe veten) se çdo gjë po shkon shumë mirë.
5.Stabiliteti
Faza e fundit e një marrëdhënie është, kuptohet, stabiliteti. Më në fund në çift kanë zhvilluar besimin dhe intimitet.
Në studimet e “Indian Journal of Metabolism” është konstatuar se në këtë fazë të marrëdhënies, si tek burrat ashtu edhe tek gratë, rritet prodhmi i vasopresinës, hormon i lëshuar gjatë orgazmës seksuale. “Kjo është faza ku një çift mund të shohë gjendjen e vërtetë të lumturisë”, thotë Dr. Clarks.
Në përfundim, cilësia e një marrëdhënie mund të ndikojë me të vërtetë në gjendjen psikike individuale, prandaj është shumë e rëndësishme për të kuptuar se në cilën fazë ndodhet marrëdhënia jonë.
Kur ta kuptoni do të jeni në gjendje për të jetuar një marrëdhënie të shëndetshme dhe më të ndërgjegjshme.
Burimi: Elle
