“People” shpalli për herë të pestë, aktoren 49-vjeçare, Julia Roberts, si gruaja më e bukur në botë.
Por këngëtarja e njohur shqiptare, Manjola Nallbani, ka shprehur disa rezerva në lidhje me këtë cilësim, duke bërë një postim në rrjetin social “Instagram”.
Ajo e konsideron thjesht fat, faktin që aktorja nuk ka lindur në Shqipëri, ku vlerësimi maksimal për të do të ishte “thjesht një femër që e mban veten”. “Fati i njeriut, paracaktohet që nga vendi ku lind e jeton!”, janë fjalët e këngëtares.
Postimi i saj ka marrë mijëra pëlqime dhe komente, ndër të cilat edhe komenti i deputetes së Partisë Demokratike, Majlinda Bregu:
“Po që e ke qa “, komenton ajo.
Këngëtarja shqiptare është thuajse moshatare me aktoren e njohur, Julia Roberts dhe po aq e mirë sa ajo, ndaj nuk përbën çudi edhe reagimi i saj. Manjola, pavarësisht moshës së saj, mbetet një nga femrat më të bukura shqiptare, por që “për fat të keq” ka lindur në Shqipëri.
