Finalja e shumëpërfolur e “Dance with me” do të transmetohet ditën e hënë në Tv Klan. Duke qenë se është xhiruar paraprakisht, tashmë është zbuluar edhe se kush janë fituesit e kësaj nate finale.
Ish-konkurrentja e “Dance with Me”, Linda Rei postoi në “Instagram”, një foto ku zbuloi se fituesit ishin Xhensila Pere dhe Trim Jetullahu.
Tashmë që fituesit i dimë, kush do të jenë surprizat e kësaj nate? Regjisorja Vera Grabocka ka zbuluar nëpërmjet një videoje promo se të ftuarit specialë të “Dance with Me” do të jenë moderatori Ermal Mamaqi, ish-kryeministri Sali Berisha dhe kryetari i Bashkisë së Tiranës, Erion Veliaj.
