Ashtu siç ishte paralajmëruar edhe ditën e djeshme, përditësimi i të dhënave rreth rasteve të reja dhe viktimave nga Covid-19 u zhvendos për në pasdite. Nga sot përditësimi i raportit do bëhet çdo ditë në orën 16:00.
Sipas njoftimit nga Ministria e Shëndetësisë gjendja nga pandemia vijon të jetë e rëndë përsa kohë bilanci thellohet çdo ditë e më shumë. Në 24 orët e fundit janë regjistruar 102 raste të reja. Shpërndarja gjeografike e rasteve është si vijon: 67 raste në Tiranë, 5 në Shkodër, nga 4 raste në Krujë, nga 2 raste në Berat, Kavajë, Peqin, nga 1 rast në Durrës, Has, Korçë, Lezhë, Lushnjë, Vlorë, Sarandë.
Sakaq, janë regjistruar edhe 4 viktima, një 43-vjeçar nga Kamza pa sëmundje shoqëruese, i intubuar prej ditësh, ndërkohë 3 të tjerët dy te Infektivi dhe një te Sanatoriumi kanë qenë me sëmundje shoqëruese, një 60-vjeçar nga Shkodra, një 64-vjeçare nga Durrësi dhe një 61-vjeçar nga Tirana. Kështu ka shkruar në 111 numri total i të vdekurve.
Të larta janë edhe shtrimet në dy spitalet Covid ku janë të shtruar 110 pacientë, 14 në terapi intesive dhe 1 i intubuar.
Fatmirësisht, këto 24 orë kanë fituar betejën me Covid-19 50 persona duke e çuar numrin e përgjithshëm të të shëruarve që nga nisja e epidemisë në 2,254.
Shpërndarja gjeografike e rasteve aktive sipas qarqeve:
Tiranë 774
Durrës 207
Shkodër 193
Vlorë 102
Lezhë 85
Kukës 50
Korçë 53
Berat 38
Elbasan 46
Fier 38
Gjirokastër 21
Dibër 24
https://www.facebook.com/edirama.al/videos/201641121285407/
