Call-centerat janë konsideruar si një nga bizneset me risk më të lartë ndaj koronavirusit dhe me mbërritjen e virusit në vendin tonë ndërprenë aktivitetin e tyre.
Së fundmi, qeveria ka publikuar protokollin e kuq të masave higjieno-sanitare për biznesin call-center në kohën e pandemisë së koronavirusit.
- Mes tyre janë matja e temperaturës së punonjësve, me termometër infrared çdo ditë për temperatura me të larta se 37,5 gradë apo të shfaqjes së simptomave të tjera. Mbi këtë temperaturë asnjë nuk duhet të lejohet në subjekt.
- Çdo punonjës është i detyruar t’i deklarojë administratorit dhe mjekut të ndërmarrjes nëse ka patur kontakt me persona të cilët rezultojnë apo kanë rezultuar pozitiv me COVID-19.
- Në rast të vajtje-ardhjes në punë me shërbim transporti me autobusë, punonjësit ulen në anësoret e dritareve të autobusit, duke lënë një hapësirë rreshti bosh pas tyre.
- Subjekti, sipas protokollit të kuq, duhet të sigurojë vazhdimisht dhe me mjetet e tij në çdo moment sapun, letër për pastrimin e duarve, dezinfektantë për pastrimin e sipërfaqeve, si dhe kosha plehrash të mbyllur, të cilët duhen pastruar çdo ditë dhe dezinfektimi i ambienteve të bëhet me shumë se 2 herë në ditë.
- Punonjësit nuk duhet të përdorin mjetet apo vendin e punës të kolegëve.
- Punonjësve duhet që të mbajnë gjatë gjithë orarit të punës dorashkat dhe maskat, ndërkohë që nuk dihet sesa do të ndikojnë këto të fundit në mënyrën e komunikimit mes tyre dhe klientëve.
- Një tjetër rregull, që mund të jetë shqetësim për gjetjen e hapësirës, është respektimi i distancës 2 metra.
/gazetareforma
