Lajmi i shtatzënisë së Fotinisë, ish-banores së “Big Brother” me ish-banorin tjetër, tashmë bashkëshortin e saj Danjel, ishte ndër më të komentuarit kudo në rrjete sociale dhe portale.
Gjithçka nisi nga fotoja e postuar nga vetë çifti ku dyshja kishin rrethuar me krahë barkun e Fotinisë dhe si diçiturë në foto kishin shkruar: “Familja LaFoDa”. Kaq u desh që fansat e tyre të lumturoheshin për ardhjen në jetë të një fëmije.
Por siç duket e gjitha ka qenë një keqkuptim!
Për ta sqaruar këtë Fotini ka publikuar një foto ekoje ku brenda shfaqet një hamburger dhe aty ku zakonisht tregohet gjinia e fëmijës ajo ka shkruar: “Është një hamburger!”.
Ndërkohë që ka vazhduar të rrëfejë: “Kush thotë se unë ha shumë, e ha edhe atë!”, duke bërë me dije në formë shakaje se ajo është mërzitur që të tjerëve ju është dukur sikur ka një bebe në bark, sepse kanë qenë thjesht disa kile më tepër duke qenë se është edhe sezon pushimesh.
Epo, ja u sqarua dhe kjo ngatërresë ne tani po presim lajmin e vërtetë kur çifti të ketë një bebe në plan.
