Si të jesh një vajzë “rock” si Karlie Kloss (FOTO)

Gardëroba e një vajze “chic” që i pëlqen stili “rock”, përmban veshje ekstravagante si pantallona të ngushta lëkure, çizme deri në kyçin e këmbës, bluza me ikona të muzikës “rock” dhe shumë veshje të tjera të veçanta, kryesisht në ngjyrë të zezë.

Por për të përqafuar tërësisht një paraqitje “rock chic” nuk është e nevojshme vetëm veshja.

Bizhuteritë janë ato që e bëjnë një femër të duket me stil dhe moderne në sytë e të tjerëve.

Kur modelja amerikane, Karlie Kloss prezantoi koleksionin e ri të ” Swarovski “-t, që quhet “Remix”, dhe përfshin një mori bizhuterish duke filluar nga varësja Choker, orët, byzylykët me zinxhirë dhe gurë që shkëlqejnë, imazhi i saj frymëzoi shumë vajza të reja.

Kjo pasi, kompania austriake ” Swarovski ” krijoi një koleksion që do t’u jepte femrave një mënyrë më demokratike për të shijuar aksesorët, për të personalizuar dhe kombinuar, për të krijuar pamje të ndryshme.

Koleksioni “Remix” përbëhet nga zinxhirë dhe varëse me mbyllje magnetike që mund të kombinohen dhe të përzihen me njëra tjetrën. Ky koleksion, që do të gjendet në dyqanin e ” Swarovski “-t në Qendrën Metropol në Tiranë, ka tema të ndryshme, si bizhuteritë që nuk njohin kohë me perlat dhe kristalet, ato romantike me motive zemre dhe emoji dhe ato “Rock Chic” që kombinojnë kristale të bardha dhe të zeza me zinxhirë ari.

Ora ” Swarovski Rock Chic ” vjen me rripin në ngjyrë të zezë kombinuar me ngjyrën e arit që rrethon fushën dhe që mund të kombinohet me byzylyk në po të njëjtën ngjyrë.

Varëset me emoji janë një tjetër risi e koleksionit “Remix”, që i bashkëngjitet periudhës së mediave sociale në të cilën po jetojmë. Ato do të bëhen të preferuarat tuaja këtë verë.

Unazat janë me kristale të bardha dhe të zeza kombinuar me ngjyrën e arit. Një unazë “chic” në dorën tuaj do t’ju bëjë të shkëlqeni pasi përmban një mori rrathësh me kristale në një të vetme.

Burimi: Iconstyle.al