Blerjet online janë një nga mënyrat më të thjeshta dhe më komode për të pasur veshjen apo aksesorin që dëshironi. Por cilat janë mënyrat më të përhapura për të blerë online në Shqipëri? Mund të përdorni metodën me PayPal, me kartë krediti apo atë të dorëzimit të parave në momentin e marrjes së dërgesës.
PayPal është mënyra më e sigurt për blerjen online, sepse gjatë blerjes ti nuk ekspozon numrat e kartës së kreditit, por të duhet vetëm adresa e e-mail-it dhe fjalëkalimin e llogarisë së PayPal-it.
Çfarë të nevojitet për të hapur një llogari në “Paypal.com”?
Për të hapur një llogari në PayPal të duhet një kartë krediti, të cilën mund ta marrësh në çdo bankë, duke krijuar besim tek analistët e kredisë me anë të rrogës tuaj. Për çdo blerje që bëni në internet me anë të PayPal paratë tërhiqen nga karta juaj e kreditit dhe ju duhet ta paguani shumën e harxhuar çdo datë 15 të muajit pasardhës. PayPal nuk ka asnjë komision në rastet kur ju e përdorni këtë shërbim për të blerë ose për të dërguar para. Kjo metodë është tashmë ndër më të përhapurat në Shqipëri për blerjet e internetit.
