Kohë më parë, diva e muzikës pop, Madona, zbuloi një sekret të jetës së saj që pakkush nga fansat e saj e dinte. Ajo pranoi se ka qenë e lidhur me këngëtarin Tupac Shakur.
“Kam qenë e lidhur me të në fillim të viteve ’90. Ajo lidhje me ndryshoi jetën në atë kohë”, tha Madona.
Deklarata e Madonës shkaktoi habi, por edhe shtoi besimin te shprehja se shpesh “të kundërtat tërhiqen”. Çifti Madona-Shakur nuk është i vetmi në dukje i çuditshmëm në botën e Hollivudit. më poshtë po ju rendisim disa çifte të tilla:
Tom Cruise dhe Cher
Këngëtarja amerikane e ka pranuar në vitin 2008 se ka qenë e lidhur me aktorin Tom Cruise. Ajo ka rrëfyer se të dy janë njohur në fund të viteve ’80. Në vitin 2013, gjatë një interviste, shumë u habitën kur ajo e futi aktorin në pesëshen e partnerëve më të mirë që ka pasur.
Elizabeth Taylor dhe Colin Farrell
Farrel e pranoi lidhjen e tij romantike me aktoren e madhe britanike gjatë një emisioni televiziv në vitin 2013. Ai tha se e kishte njohur Taylor në spital, ku ai ndodhej për lindjen e të birit, ndërsa aktorja për vendosjen e një stente në zemër. Lidhja e tyre emocionale zgjati dy vjet dhe nuk u konsumua fizikisht asnjëherë. “Doja të bëhesha burri i saj numër 8, por ‘dolëm nga rruga’”, ka thënë Farrell.
Julia Roberts dhe Kiefer Sutherland
Në vitin 1991, aktorja Julia Roberts u bë si një personazhe që luan në një prej filmave të saj. Ajo anuloi martesën me aktorin Sutherland, me të cilin kishte qenë e lidhur për një vit. Arsyeja ishin disa thashetheme për një lidhje të tij me një balerinë.
Alanis Morissette dhe Ryan Reynolds
Çifti i kanadezëve janë takuar në një ditëlindje në vitin 2002. Ata kanë qenë të lidhur për dy vjet. Më pas, aktori i propozoi martesë këngëtares Morissette, por nuk u bashkuan kurrë në altar. Morissette i ka kushtuar një album të tërë ndarjes nga aktori.
Pamela Anderson dhe Michael Jackson
Në vitin 2009, ylli i serialit “Bayëatch” nisi të takonte mbretin e muzikës, Michael Jackson. Kjo lidhje nuk zgjati shumë.
Ted Danson dhe Whoopi Goldberg
Dyshja ranë kokë e këmbë në dashuri teksa punonin së bashku në një set në vitin 1992 në Amerikë. “Unë do të eci në hijen Whoopi-t për pjesën tjetër të jetës sime, unë e adhuroj” tha Danson. Romanca e nxiti aktorin që të linte gruan e tij, Casey Coates, në vitin 1993.
Macaulay Culkin dhe Mila Kunis
Culkin dhe Kunis e filluan lidhjen e tyre në vitin 2002 dhe e mbajtën të fshehtë për tetë vjet. Në vitin 2011 ata u ndanë. “Ndarja ishte miqësore, dhe ata mbeten miq të ngushtë,” tha një zëdhënës i aktores së filmit “Black Swan”.
Evan Rachel Wood dhe Marilyn Manson
Në moshën 19-vjeçare, Wood u lidh me Marilyn Manson. Të dy kishin një marrëdhënie jo të qëndrueshme deri sa përfundimisht u fejuan në janar të vitit 2010. Në gusht, ata e anuluan martesën: “Njerëzit kalojnë nëpër faza. Njerëzit bëjnë gabime”, tha ajo për marrëdhënien e saj.
