Një foto vlen më shumë se 1000 fjalë dhe pikërisht kështu ka vepruar edhe çifti më i ri “showbiz”-it shqiptar. Pasi për muaj të tërë vendosën të mos mohonin dhe as të pohonin për lidhjen e tyre, tashmë Klea Huta dhe Elgit Doda e bënë publike dashurinë e tyre përmes një fotografie.
Siç duket, pritjes i ka ardhur fundi sepse Elgiti dhe Klea nuk kanë mundur ta fshehin dot më. Rreth orës 16:00 të ditës së sotme të dy postuan të njëjtën foto në profilet e tyre në “Instagram”.
Elgiti duke e puthur Klean në ballë, një foto bardhë e zi, pa asnjë fjalë, por që flet shumë dhe tregon veçse dashuri.
Kaq mjaftoi për të nxitur komentet e fansave që lumturohen për lidhjen e tyre, tashmë publike!
