Artisti i njohur Chris Brown është sërish në telashe me Policinë. Ai është akuzuar se është përfshirë në një grindje me një producent muzikor në një klub të njohur në Londër.
Reperi dyshohet se e goditi producentin në kokë me një shishe qelqi, e më pas e godit me shkelma dhe grushte.
Viktima e paidentifikuar tha për “The Sun”:
“Ai më goditi në kokë dy ose tre herë. Kam folur edhe me policinë dhe shpresoj që ta zgjidhin çështjen së shpejti. Tani është në duart e avokatit tim dhe nuk mund të komentoj më tej”.
Producenti thuhet se kishte nevojë për kujdes mjekësor në spital.
Sulmi dyshohet se ndodhi më 19 shkurt në klubin The Tape në Mayfair të Londrës. Këngëtari dhe kompozitori amerikan ishin bashkë për shkak të koncerteve të Chris në Mbretërinë e Bashkuar.
Raportohet se Chris kishte qenë në stacionin e policisë për të dhënë një deklaratë dhe tani është kthyer në Shtetet e Bashkuara.
Kjo nuk është hera e parë që ai akuzohet për sjellje të dhunshme pasi në vitin 2009 ai sulmoi ish-partneren e tij dhe këngëtaren e “We Found Love”, Rihanna.
