Edhe Aurela Hoxha ka parakaluar në tapetin e kuq të Festivalit të Kanës, por duhet të tregohemi realistë dhe të themi se fillimisht pasi pamë foton e postuar nga bukuroshja në Instagram, menduam: “Kush je ti dhe çfarë i ke bërë Aurelës?”
https://www.instagram.com/p/BxzuEe4hy1K/
Për sa i përket veshjes, duket se ajo është frymëzuar nga look-u i Rihanna-s në “Grammy Awards 2014”.
Një fustan mjaft sensual nga “Balenciaga” i cili siç mund ta shikoni është pakëz vështirë të vendoset me bindje se cilës i shkon më shumë.
Është e vërtetë që Aurela shkëlqen dhe duket rrëzëllitëse në tapetin e kuq, mirëpo prapë se prapë asgjë nuk na e heq nga mendja faktin se personi në foto nuk përngjan shumë me të, ose thënë më saktë, duket sikur nuk është Aurela.
Po ta analizojmë pakëz me detaje, Hoxha ka çelur pak ngjyrën e flokëve, dukshëm ka errësuar shumë sytë (smokey eyes), dhe siç ndodh rëndom, make-up-i ka fuqinë që të tjetërsojë pamjen e një personi, kështu që…ndoshta këto janë disa nga arsyet minimaliste se përse Aurela, nuk na duket si Aurela!
