30 janar
Carmen
Opera
Projekti gjigand që hap sezonin e ri operistik të TKOB, një shfaqje e cila ndërthur ekselencën shqiptare në botë me emrat e mëdhenj të muzikës operistike shqiptare.
Ka nisur shitja e biletave në sportelin e Pallatit të Kongreseve nga ora 10:00-20:00.
Ju mund të rezervoni në numrin : 0676327313; 042233225
1 shkurt
“Një jetë me grafikën”
Ekspozitë
Galeria FAB ka nderin tju ftoj në hapjen e ekspozitës retrospektive e një prej përfaqësuesve më të rëndësishëm të grafikës shqiptare, Pandi Mele “NJË JETË ME GRAFIKËN”.
Hapja: dt. 1shkurt, ora 19.00
Kuratore: Ardian Isufi, Petraq Papa
Galeria FAB
Kohzgjatja 1- 10 shkurt 2018
Jeni te mirepritur!
2 shkurt
Teatër
Shërbetoret
Dy shërbëtore, urrejnë e dashurojnë së bashku, zonjën e tyre. Ato kanë denoncuar të dashurin e kësaj të fundit përmes disa letrave anonime. Pasi marrin vesh se zotëria në fjalë do të lihet i lirë për mungesë provash e në këtë mënyrë tradhëtia e tyre do të dalë sheshit, fillimisht përpiqen ta vrasin zonjën. Dështojnë. Dhe pas kësaj përpiqen të vrasin njëra-tjetrën. Hedhja e tyre e dëshpëruar hyn në orbitën e mijra të rinjve të cilët enden pa të ardhme dhe shpresë, me rebelimet e heshtura të përditshme dhe me trazirat sociale të kohës sonë.
Me regji nga Kico Londo dhe aktoret Laura Nezha, Dasara Xhangolli dhe Ilirda Bejleri.
