Ekspozitë
10 tetor
Double Feature
Tirana Art Lab me Double Feature # 7 sjell së bashku punën e artistes shqiptare Donika Çina dhe artistes Hanna Hildebrand, lindur në Itali.
Ekspozita është e konceptuar sipas praktikave të dy artisteve, që synojnë hulumtimin dhe përftimin e proceseve konjitive nëpërmjet eksperiencave personale në shoqëritë ku ato jetojnë dhe takimet me të tjerët. Çfarë i dallon praktikat e artisteve dhe në të njëjtën kohë i bashkon me njëra-tjetrën është fokusi në proces, qoftë si njohje, si kuptim, shkëmbim apo proces krijues.
Kështu që qëllimi i tyre përbëhet nga dekodimi i njëkohshëm i proçesit në formë teksa e përjetojnë atë. Paraqitja pamore dhe regjimi estetik është në këtë mënyrë realiteti në të cilin ato janë pjesëmarrëse, ndërhyjnë, veprojnë dhe ndërmjetësojnë me punët e tyre.
Të vetëdijshme për epërsinë e formës, dukjes dhe estetikës me punët e tyre në vend që t’i legjitimojnë ato i sfidojnë vazhdimisht duke i vënë në diskutim. Siç duket qartë prej statuseve të tyre dhe punëve, qoftë Çina ashtu dhe Hildebrand mundohen të shmangin specifikimet e vendosura, klasifikimet dhe shpjegimet.
Duke qenë paradoksale punët e tyre shndërrohen në vende të ndrëmjetësimeve të përhershme kuptimore dhe thuajse të pamundura për t’u kolonizuar apo kapitalizuar nga strukturat e pushtetit. (Adela Demetja)
11 tetor
Night Ride
Te Mërkurave ne mbrëmje rrugët jane tonat. Merrni biçikletën lajmëroni gjithë të njohurit dhe takohemi tek sheshi Skënderbej për të përshkuar cdo javv nga nje itinerar të ndryshëm me bicikletë.
Këtë jave shkojmë drejt Lapidarit, në orën 08:00 PM mblidhet i gjithë grupi bëjmë një diskutim te shkurtër ku secili mund të japë mendim dhe sugjeroje diçka për nismën.
Mos harroni të merrni me vete sa më shumë ndriçues, bokse për muzikë dhe birrë ose snack për të konsumuar gjatë pushimit tek Lapidari.
Gjithsecili që bëhet pjesë duhet tv respektojë rregullat e qarkullimit dhe të grupit.
12 tetor
Teatër
Shumë zhurmë për asgjë
Nga William Shakespeare
Perktheu: Alqi Kristo
Regjia : Carlo Sciaccaluga
Skenograf: Carlo Sciaccaluga
Kostumografe: Sofi Kara
As/regjisor: Ledian Gjeçi
Me aktoret: Myzafer Zifla, Elidon Alika, Kristian Koroveshi, Alert Çeloaliaj, Genci Fuga, Gjergj Mena, Endri Çela, Alban Musa, Frençeska Hysi, Esela Pysqyli, Ina Morinaj
Duke filluar nga 7 dhe 8 Tetori, çdo të Enjte, të Premte, të Shtunë dhe të Dielë ora 19:00 në Teatrin Kombëtar eksperimental “Kujtim Spahivogli”.
