6 janar
Teatër
Teatri Kombëtar Eksperimental “Kujtim spahivogli” në bashkëpunim me Ambasadën Franceze në Tiranë sjellin komedinë “Boeing Boeing”.
Një komedi e bujshme, në venat e së cilës rrjedh gjak si ai i komedive të Shekspirit me incidente të hareshme dhe ngatërrim identitetesh, Boing Boing paraqet aventurat dashurore të beqarit francez Bernard me stjuardesat e tij bukuroshe. Tri stjuardesa, më saktë, nga tre vende të ndryshme, secila duke besuar se është e fejuara e Bernardit. Më parë Bernardi ka ditur t’i xhonglerojë këto gra, falë zotërimit të orarit të detajuar të fluturimeve të tyre. Kur situata ndryshon dhe të tria gratë e tij mbërrijnë në apartament në të njëjtën ditë, Bernardi (me ndihmën e shokut të tij të mefshtë Robert) lufton me të gjitha mënyrat, që ato të mos e marrin vesh të vërtetën. A do të mundet Don Zhuani gënjeshtar ta mbajë në këmbë këtë maskaradë, apo do të ndodhë katastrofa? Si i thonë fjalës: gjithçka është mirë, kur përfundon mirë.
6 janar
ArchiComics – Nje ekspozite nga Aulona Hoxha
Ekspozita do te prezantohet ne Destil me date 6 Janar dhe do te qendroje e hapur deri me date 13 Janar 2018.
7 janar
Maratona
CrossCountry Individual Mountain Bike Marathon – Bike Club Tirana me mbështetjen e Agjencisë së Parqeve dhe Rekreacionit – Bashkia Tiranë, organizon më 7 Janar 2018 garën CrossCountry Individual Mountain Bike Marathon.
Starti i garës është i përbashkët nga sheshi “Skënderbej”, numri i pjesëmarrësve është i limituat 100 persona. Për më shumë informacion : Bike Club Tirana
Nëse ke dëshirë të zbulosh aktivitetet outdoor në Tiranë shkarko aplikacionin TIRANA IME OUTDOOR.
